Weakness

Lahat ng tao may weakness o kahinaan. Kahit ako na tinatawag na “taong may pusong bato” ay merong kahinaan. Pero di ko alam kung ang pagtulo ba ng luha ay isang kahinaan.

Kahapon nanood kami ng “Game Plan”. Hindi iyung “Game Plan” na TV program ha? Iyung kay Dwayne “The Rock” Johnson. Isang pelikula tungkol sa isang egocentric na star football player na biglang binisita ng kanyang walong taong gulang na anak na babae. Walanghiya, grabe pala ang kinikita ng mga professional player na iyan. Nakakalula iyung condo. So ayun, naiba tuloy ang lifestyle ni The Rock. Komedi ang dating.

Pero sa kalagitnaan ng pelikula merong scene na nagging cast sa isang ballet concert si The Rock. Isipin mo sa laking tao ng bida sasayaw ng ballet. Komedi talaga. Pero bakit kaya bigla akong napaluha. Iyun pala naantig ang puso ko ng background music. Di ko alam kung Tchaikovsky iyun basta classical. Sumimple pa ako na umunat at sabay pahid sa luha ko ng aking malalaking braso para di halata. Mantakin ba naman na bigla akong suminghot. Ayun, nilingon ako ng aking kasama at sabay, “Naiyak ka na naman.” Binatukan ko nga. Ang dami-daming tao eh. Lakas pa naman ng boses noon.

Dapat ba akong mahiya? Pakialam ko sa kanila. Naiyak nga iyung mga ka-teammates ni The Rock sa football na nanonood sa concert eh. Mas malalaking damulag naman ang mga yun sa akin. Basta ang alam ko marunong lang ako mag-apreciate ng totoong musiko. Ini-imagine ko kung paano kaya kung manonood ako ng isang full-length na classical o opera concert? Baka mugto ang mata ko sa kaluluha. Hehehe

Eniweys, naisip ko kung problema talaga o nakakahiya sa isang katulad ko ang lumuha sa mga ganitong palabas, lahat ng problema may solusyon. Eh di huwag manood. Hehehe. Huwag. Sayang naman ang mga pagkakataon na iyan.

Eto ang solusyon. Huwag kalimutan ang paghinga. Ibig sabihin, i-regulate o ayusin ang paghinga para mapigilan ang luha. Eto lang ang napansin ko, kapag umiiyak ang tao, nawawala ang kanyang rythym sa paghinga at kapag maibalik ang ritmo na ito, nahihinto din ang pagluluha. Di ba ninyo napansin na maraming hinihimatay sa sobrang pag-iiyak? Iyun po ay dahil sa nauubusan ang supply ng hangin sa utak ng tao. Di po ako doctor. Obserbasyon ko lang iyun. Kaya dahan dahan lang sa mga violent reactions ninyo.

Pero effective iyang solusyon ko. Subukan ninyo. Iyan ang mungkahi ko sa nanay ko dahil sa kanyang matigas na ulo na anak. Ako po iyun. Matigas nga ulo ko pero iyun ay dahil sa laman nito at di dahil sa puro pasaway.

Weakness. Kahinaan. Tingin ko ang pagluluha ay hindi isang weakness. It is just a physiological exercise of the tear glands to check whether the emotional maturity of the person is functional or not. Hahaha. Sabi ko nga sa mga tao, naluluha lang ako para malinis ko ang mota (tama ba iyang term na iyan) o dumi ko sa aking mga mata.
Sa susunod ulit. ;)